الخادم الذكي

كان كايقطع ف تفاحة او هو يجرح يديه و عيط للخادم ديالو قاله : راني جرحت يدي شنو ندير
قاله الخادم : فيها خير اسيدي
سيدو طلع ليه الدم 😠 : كيفاش فيها خير كاضحك عليــا.. ديو عليا هذا حبسوه.
قاله الخادم: علاش اسيدي..  ولكن فيها خير
مشاو حبسوه فالزنزانة و دازت سيمانة و قرر الحاكم يدير رحلة للغابة هو و الخدام ديولو .. جمعو مايخصهم من لوازم باش يديرو رحلة و مشاو وسط الغابة .. نشط الحاكم مع راسو و كلاو و شبعو و فاش كانو كايجمعو باش يرجعو .. تجمعو عليهم مجموعة من الغيلان
الغول الرئيس: ممم العشا جابو الله .. قلبوهم باش نديوهم ناكلوهم ..
بداو الغيلان كايفتشوهم ولقاو الحاكم مجروح فيديه
وقالهم الغول الرئيس: هذاك غير خليوه فيه خلل .. ديو غير هادوك لي صحاح
داو الخدامة و بقا الرئيس بوحدو مرعوب و رجع للقصر نيشان عند الخادم المسجون
قاله الحاكم كولشي و سولو : وشنو قصدتي ب (فيها خير)
الخادم : فيها خير اسيدي ليا وليك
ليك نتا حيث مخداوكش ياكلوك و انا حيث مامشيتش معاكم و نجاني الله
خلاصة القول خليها على الله ♥
(قصة خيالية)
بغيتو المزيد؟