العقل الخرافي عقل عجيب

العقل الخرافي عقل عجيب. هو عقل لا يختبر العالم الحسي بشكل مباشر، بل يراه عبر عدسة الماورائي. هاد العدسة تاتزيد على الواقع بزاف د التوابل، تاتغلفو بواحد الحجاب شفاف ولكن ملون، و تاتحطك نتا وسط المعمعة، و تاتولي نتا كعقل خرافي تايسحاب العالم و الأشياء تتمحور حولك، كلشي واخد موقف منك، الموجودات و الأفكار و الأحداث كلها إما تتآمر لتدميرك أو تشتغل لصالحك، تاتولي بطل ملحمي تتجاذبه قوى الخير و الشر. و هكذا تايولي الكلب الضال لي خرج ليك فالطريق عل الصباح عدو و فأل شر، و الحكة لي جاتك في راحة يدك فأل خير، و الصديق لي شاف تصويرة ولدك ولا بنتك و ماقالش تباركلاه باغي يضربك بالعين، و الموت ديال فرد من العائلة عزيز عليك ما هو إلا ابتلاء ليك و اختبار حيت المومن مصاب ا عشيري، و صاحبتك 90% باغية تسحر ليك حيت نتا هو Sean Connery (ولا Jason Mamoa بالنسبة للأصدقاء الكتاكيت)، و الطواليط ساحة معركة بين الجن و الإنس و عملية التبول أو التغوط ceremony تقدر تخلي الجنون يكلاشيوك لا ما احترمتيش الطقوس، و الطبلة ديال الماكلة ا عباد الله تاهيا تاتولي نافذة على العالم الآخر تقدر تجيب ليك الشيطان لا ماقلتيش بسملاه، ويلا سخطو عليك واليديك را بالرب لا طفرتيه...

يعني الناس لي راسهم عامر خرافة عايشين فعالم hyperreal (باش نستحضر خونا Baudrillard)، عالم يخضع لقوانين غريبة حتا واحد ماضابطها، عالم تتقلص فيه مسؤلية الفرد عن أفعاله و تنقص حتا تكاد تنعدم...

و ماتمشي غي فين مامشاك الله ا خاي ديالي